Japan para 10,500 Freezers vaccine kenibo ase

Tokyo: Japan para novel coronavirus vaccine 10,500 deep freezers te rakibo nemite kenibo ase aro dry ice besi kenikena tai khan laga manuh ke virus para pachabo koikena, Thursday din health ministry para junai thishe. Japan para 290 million doses vaccine toh Pfizer Inc, AstraZeneca Plc and Moderna Inc, logot keniboli fesla loikena 145 million manuh nemite sob manuh lakai neshina  tuita(2) vaccine thiboli koishe. Pfizer’s vaccines toh minus 75 Celsius (minus 103 Fahrenheit) te aro Moderna’s toh 20C te rakiboli lage koishe. Pfizer aro Moderna aro tai khan laga domestic partner Takeda Pharmaceutical khan para networks bonaikena vaccines toh thik temperature te rakikena alag-alag jaga te loikena jabo, koikena ministry para statement te janaishe. Japan desh te novel coronavirus cases toh 165,000 oper koikena ase aro 2,417 manuh morikena ase. Capital Tokyo te bemar toh sobse besi hoikena ase. Tuesday din Tokyo te 352 motun cases paishe koishe.