September 17, 2024: Japan laka Government aro manu kan para period drama “Shogun” karne record trophy haul tho cheer kuri shae, Emmy Awards deh. Etu tho taikan laka history aro culture karne aro ekta win taki shae, kuto tourist aro international allies majo deh popular hui ase.
Historical epic, kuto Japan deh set ase, etu epic para 19 awards claim krui shae. Etu tho ekta single drama season karne sobse bishi jita award ase. Etu drama para best drama jiti shae aro leads Hiroyuki Sanada aro Anna Sawai para best acting awards b jiti shae.
Alak ekta Japanese period piece,” Blue Eye Samurai” para b Emmy jiti shae, best animated program karne. Government para achievement tho welcome kuri shae aro Shogun deh taka 70% dialogue tho Japanese deh ase kui nah highlight kuri shae. Taikan para Sanada, kun lead warload Yoshii Toranaga play kuri shae, tai tho production deb b involved taki shae kui nah highlight kuri shae.
“Mukan Japanese creators keh encourage kuri ase, overseas production laka challenge keh lubo leh,” Deputy Chief Cabinet Secretary Hiroshi Moriya para reporters para kui shae.
Japanese government para entertainment aro content industries keh support kuri bo karne b ekta committee set up kuri shae.
“Shogun” tho ekta 1975 historical novel para ase, kuto James Clavell para lika ase. Etu novel tho ekta mini series deh banai shae, 1980 sal deh. Etu series tho Japanese characters keh nahoi nah shipwrecked English captain deh focus kuri shae, kuto Richard Chamberlain para play kuri shae.
Add Comment