Japan PM Fumio Kishida, party leadership para exit kuri bole ase

August 14, 2024: Wednesday din deh Japanese Prime Minister Fumio Kishida para tai party laka head taki nah re-election karne nabu labo kui shae. Maneh teen sal piche deh taila premiership tho kotom hui jabo. Ruling Liberal Democratic Party, kun para 1945 piche deh Japan tho govern kuri nah ahi ase, taikan aha mohina deh ekta internal leadership control duri bole set ase. Rising prices karne taikan laka popularity ratings tho girai jai shae. “Etu presidential election deh, LDP tho change hui ase aro party tho ekta nutun LDP ase kui nah dika bole lakeh,” Kishida para reporters kan keh kui shae, Tokyo keh. “Etu kuri bo karne, transparent, open elections aro free and vigorous debate tho zaruri ase. LDP tho change hui ase kui nah dika sobse obvious first step tho hati bole lakeh. Mui aha presidential election deh nabula bo.” Kishida para senior administration officials kan keh tai nabula bo kui nah janai di shae, national broadcaster NHK aro Kyodo news nishi nah media kan para agae deh report kuri shae. Ruling party laka head tho traditionally prime minister b ase.  Kishida tai ekta major funding sandal upor deh criticism kan bishi pai shae. “Party deh biwas tho wapas ani bo karne prime minister para tai responsibility lubo lakeh kui nah judge kura nishi nah ase,”NHK para kui shae.