Japan PM Shinzo Abe resign hoboli junaise

Tokyo: August 28, 2020. Japan’s Prime Minister Shinzo Abe para halat beya nemite resign hoboli junai thiboli ase koikena local media para Friday te koishe, etu khobor toh press conference thakiboli olop samay te koishe. “Abe laga bhapana toh tai bemar hoikena halat besi beya nakora agae te resign kuribo” koikena national broadcaster NHK para koishe, aro tai khan laga source toh janiboli deya nai. Prime minister laga halat khobor toh, tai hafta neshina bemar hoiase hoilebi, etu agae te tai tui par alak- alak hospital te medical check up loishe koishe.  Abe para Friday din 5 pm (0800 GMT) samay press conference thakibole janaishe aro etu samay kam jariboli “tai para kotha janai thibo” koikena NHK aro dosura media para khobor thishe. Etu moina pithor te Abe para tin(3) din nemite choti loishe aro August 17 darik te tai hospital te jaa janai-kena medical check up samay 7 gonda neshina tai hospital te thakishe koishe. Ek hafta bechete tai aro etu eke hospital te tui paar wala jaishe aro koishe ke, etu samay tai kam toh aro soruh hoboli koishe.