Japan te kam kora manuh ke bonus katibo

November 7, 2020. Dos(10) saal bechete first samai ase ke, Japanese government para fesla korishe ke, 2020 laga saal nemite kam kora manuh khan laga bonuses toh katibo ase. Etu fesla lowa toh COVID-19 bemari para companies khan ke nokson paikena thaka nemite ase koishe. Legislation para etu fesla kora kotha toh etai extraordinary parliamentary session samai janai thibo aro etu December moina te loboli ase, koikena Xinhua news agency para janai thishe. Etu kam toh National Personnel Authority’s oper te ase, keli koile bonuses toh public servants logot toh private sector te komti wala ase aro etu bemari nemite economy toh besi asti hoi jaishe. Friday din te notun legislation junai deya te, hotai saal summer aro winter laga bonuses toh 2020 saal te national public servants nemite 4.45 moina laga salary logot eke thakibo aro etu jaa saal logot saishe koile 0.05 moina laga salary ase. Aro ek saal laga income toh, etu samai 6.73 million yen average te thakibo, aro komti hoikena 21,000 yen ase. Local media khobor hesab te, public servants khan strikes najabo nohoile melaikena dham namila-boli koishe.