Japan te manuh laga harti paishe

Tokyo: August 26, 2020. Western Japanese city Osaka te mati konda samay manuh laga harti 1,500 neshina paishe. Besas ase ke, etu chaka toh 160 saal agae te manuh ropa chaka thaka ase koikena officials khan para janai thishe. Etu chaka laga nam toh “Umeda Tomb” ase koishe, aro besas ase etu chaka toh sathta (7) wala historical manuh ropa chaka– Edo aro Meiji samay te 1850s aro 1860s pithor saal laga ase. Researchers khan para chaka te huro 350 grave paishe aro etu pithor te janwar neshina gahori bacha, kora , aro peli laga harti paishe, koikena etu moina agae te officials para junai thishe. Osaka City laga Cultural Properties Association para koishe ke, etu chaka te manuh mora ropa toh local manuh khan thakishe aro etu Osaka Castle town te thaka manuh khan ase. Tai khan koishe ke, manuh laga umer toh 30 saal aro chuto bacha khan ase. Konuba manuh laga hath aro teng toh saboli dosura bemar thaka neshina thakishe koishe. Konuba grave te toh manuh laga bodies besi paishe. Experts khan laga bhapana toh ek logot bemari nemite ropai deya ase koikena association para janai thishe.