TOKYO: Domestic media koishe Japan te poila laga top bureaucrat para tai laga chokora laga hatya kurishe. Poila laga top bureaucrat bhoi thakishe ke society para ekla dur thaka chokora para manu khan ke nuksan pungchabole pare etu nimite, tai ke chaku mari kena morai dishe. Chokora laga umar toh 44 saal thakishe. Japan te olop din agay te bishi manu ke chaku mara laag khobor para asorit huwa samay te etu dusra ghatna para Japan desh ke shook kuri dishe.
Khobor hesab te etu ghatna para Japan laga uthi thaka adult hikikomori laga legion opor te dihan toh ahishe. “Hikikomori” khan toh utu manu khan ase kun tai khan laga ama-baba logote thake. Aro tai khan toh ketiyaba hee ghor para bahar olai. Tai khan toh bishi din hermit nisina manu khan para dur ekla thake.
Tokyo metropolitan police koishe tai khan para Saturday te Hideaki Kumazawa ke geraaftar kurishe. Tai laga umar toh 76 saal ase. Hideaki Kumazawa para tai laga chokora ke chaku mari kena hatya kuribole kosis kurishe. Monday te media koishe mota toh murija nimite Hideaki Kumazawa toh hatya laga suspect ase.
National broadcaster NHK koishe Kumazawa toh Czech Republic nimite poila laga diplomat thakishe. Tai para chanbin kura manu khan ke koishe ke juwa hafta news te ekta manu para chaku loi kena bishi manu laga hatya kura huni kena tai bhoi hoishe koishe. Aro tai etu nimite
Add Comment