Jasmin Bhasin ke Bigg Boss 14 para hataishe

Mumbai: Ekta asorit khobor te Sunday din Jasmin Bhasin ke Bigg Boss 14 para hataishe. Tai olai jaa nemite boyfriend Aly Goni laga mon besi pekaishe aro  host Salman Khan be besi kantishe koishe. Etu hafta Jasmin Bhasin, Aly Goni, Abhinav Shukla aro Rubina Dilaik logot Bigg Boss para junikena thakishe. Tai khan para junai laga nahoikena saja powa nemite kotha kora janishe. Bhasin toh etu session laga finalists hobo neshina ase koishe. Bhasin para jakara kori thaki aro Salman Khan laga kotha aro dosura logot larai kori thaki. Tai laga bahl sati Rubina Dilaik logot be larai korishe. Socail media te Jasmin Bhasin laga dosura nam ‘Jas-mean’ ase aro manuh khan para besi putnam be korikena ase, hoilebi bhal sati khan para toh tai ke besi morom ase. Olop din akhe te, family week samai Jasmin laga ghor manuh khan para tai ekla kam koriboli koishe, etu nemite Jasmin aro manuh khan pithor te jamila olaishe. Jasmin Bhasin olajai nemite etu trophy toh itya Aly Goni, Rubina Dilaik, Abhinav Shukla, Eijaz Khan, Nikki Tamboli, Rahul Vaidya, Rakhi Sawant, Arshi Khan aro Vikas Gupta pithor te competition koriboli ase koishe.