Liverpool, 11 September : Boxing te, India karone komti te tinita bronze medal confirm kori lobo World Boxing Championships te, juntu Liverpool, United Kingdom te cholise. Itu hoise, Jasmine Lamboria, Nupur Sheoran aru Pooja Rani semifinal te punchi jaise, kintu duibar champion Nikhat Zareen quarterfinals te hari jaise.
Zareen laga third consecutive medal laga asha khotom hoise 51-kilogram division te, Turkey laga Buse Naz Cakiroglu, juntu duibar Olympic silver medalist ase, 5-0 score te harai dia karone. 34 saal laga veteran Pooja Rani 80-kilogram category laga semifinal te punchi jaise, Poland laga Emilia Koterska logot ekta tight 3-2 split decision te jeeti kene. Rani surute first-round bye bhi paise.
Aru, Sheoran bhi nijor laga jagah semifinal te confirm kori loise heavyweight 80-plus kg division te, Uzbekistan laga Oltinoy Sotimboeva ke harai kene. Lamboria bhi medal secure korise, nijor weight class laga last four te punchi kene.
Add Comment