India, 31 October : India laga marquee pace bowler Jasprit Bumrah para England khilaf ekta damasha kurishey, three wickets luina team laga 100-run jeet dey. Bumrah, match dey tai laga three wickets logot, Rohit & Co. karney foundation halishey kitia taikhan 239 runs total ke defend kuriboley sai asey. India laga 6th jeet competition trot dey, Bumrah para social media zeher ke jawaab dishet kuntu taike subject kurishey. Itu pace bowler kuishey ki tai national team dey dangor comeback ahia toh khushi asey.
Bumrah, kun jaa saal bishi pak sidelines dey buhishey jokhum laga diktari karoney, kuishey ki bishi manu para tai laga career khotom huishey kuina kuishey. Itu pacer, taikhan glati thakia dikhai dia karoney khushi asey.
“Mui laga maiki [TV sports presenter Sanjana Ganesan] bhi sports-media department dey kaam kurey. Toh hoi, mui laga career dey mui bishi sawaal hunishey ki mui kitia bhi wapis nahibo aro inika sob, huilewi itu khan sob hisab nai. Mui bishi khushi asey,” Bumrah kuishey Sky Sports ke India para ekta 100-run jeet paa piche dey defending champions England laga khilaf.
“Mui wapis ahishey aro mui janishey mui kiman khushi pai itu khel khiliwoley. Mui eku khitai thakianai. Great headspace thakishey kitia mui jokhum para bhaal huina wapis ahishey. Toh hoi, mui positives dey sai asey aro paria tak enjoy kuriboley kosis kuri asey,” Tai agey kuishey.
India para khaki 239 runs pawoley parishey early wickets haria piche dey huilewi bowlers para batter khan laga galti karney makeup kuri dishey ekta stupendous show para Lucknow dey. England laga khilaf khel dey reflect kurina, Bumrah kuishey ki tai bishi khushi thakishey Jos Buttler laga mota khan para Indian team ke pressure andar dey hali dia toh.
“Muikhan karney itu bhaal challenge ekta thakishey muikhan ke pressure andar dey haali dia toh. Muikhan olob early wickets haarishey. Muikhan joborjost khusiwo lagishey aro field dey bhi, muikhan bishi kosis kuribo lagishey. Toh hoi, result logot bishi khushi asey. Itu muikhan karney bishi bhaal thakishey kiley kuiley muikhan agey field kuri thakishey aro muikhan itia tak itu kurina ahi asey. Kiley kuikey India para jaa series bhi khitaishey, kuntu mui khilishey,” Bumrah kuishey.
“Kitia tui notun ball logot bowl kurey, tui kunwa swing karney bisarey kunwa swing thakiley. Nahuiley, tui khali kosis kurey aro ekta hard length marey aro paria dukh panai diwi. Toh olob swing toh thakishey, huilewi mui laga side para eman toh thakianai.”
