Mumbai, August 13 : Poila jamana laga mashoor screenwriter Salim Khan aro Javed Akhtar kun para 1970 te “Zanjeer”, “Sholay” aro “Deewar” nisna film logotey Indian cinema te bodli anisey taikhan duijun tu ekta nutun film likhibole nimitey eksath ahibole asey. Etu tu Javed Akhtar para Tudesday din te announce kurisey.
Industry Stalwart para ahibole thaka Prime Video docuseries(matlab ekta show kotey bisi episode thakey aro etu te hosa hosa dikhai) “Angry Young Men” kuntu te Salim Khan aro Akhtar laga bhayankar creative partnership laga bari te dikhai etu laga trailer launch te etu announcement kurisiley.
Akhtar para “Angry Young Men” laga trailer release te reporter khan ke koisey, “Etya ami para apni ke koi asey ki amikhan(tai aro Salim Khan) tu likhibole asey. Ami taikey koisey ‘Bas amikhan aro ekta picture eksath likhibo. Utu zamane te bi amikhan laga price bisi thakisey, etu zamana te toh aro bisi hobo, etu sailobi.’
Salim-Javed ke taikhan laga film laga through para Bollywood blockbuster ke reinvent kora nimitey credit diye. Etu duijun tu star laga status pa first Indian screenwriter thakisey.
22 Hindi film aro duita Kannada film te eksath kaam kora picheyte 1982 te etu duijun para taikhan laga partnership khotom kuribole faisla kurisey.
“Angry Young Men” tu ekta joint venture(duijun milikina kora) show asey kuntu ke superstar Salman Khan laga Salman Khan Films; Farhan Akhtar aro Ritesh Sidhwani laga Excel Entertainment; aro Zoya Akhtar aro Reema Kagti laga Tiger Baby Films.’
Add Comment