World Environment day 2025 laga theme tu “Ending Plastic Pollution”(plastic pollution ke khotom kuridiya) asey. Aro etu theme laga maksat tu duniyabhor te manu khan ke duniya ke ekta safa aro surakshit jaga banabole karney action loboley aro eksath kaam kuribole encourage kuribole laga asey. Etu theme tu jaruri asey kilemaney plastic pollution tu environment laga ekta dangor problem asey. Etu para plants, janwar aro sob zinda thaka bustu khan laga thaka jaga, jungle te thaka janwar, chirya, puka khan laga jibon aro manu khan ke harm korey. Etu para pani aro matti ke letra kuridiye aro bimar bi olaidiye. Climate change, kuntu toh ekta barithaka khatra asey, etu te bi plastic pollution laga haath asey. Amikhan samajdari para kaam nukurisey koiley, amikhan laga prithivi tu ekta thakibole napara jaga hoijabo.
Technology para bisi manu laga zindigi asan banaidisey. Hoilebi etu para manu khan ke machine te bisi depend kuribole di-asey, kuntu para manu khan laga bhabna kora laga takat ke affect kuriasey. Manu khan mobile phone, computer, T.V. khan te bisi diri boha tu ekta dikha-dikhi effect asey. Generation gap te saisey koiley, etu safa-safi dikhibo parey ki Generation Z(1990 aro 2010 majotey jonom huwa) laga baccha khan tu Generation X (1960 aro 1980 majotey jonom huwa) aro millennial(1980 aro 1990s majotey jonom huwa) baccha khan para bisi alag asey. Taikhan laga beybohar aro soch khan tu taikhan laga experience aro taikhan technology logotey dangor huwa nimitey alag hoijaisey.
Generation change huwa logotey manu khan laga tor-tarika aro adat khan bi change hoijai kityabar tu etu khan kamjor hoijai. Technology tu agey bari-asey hoilebi ekta main question thaki asey: Manu huwa laga matlab ki asey? Manu huwa laga matlab tu amikhan laga purpose ki asey etu janiya, zimidari utha aro manu laga understanding ke dangor kuridikina change hoithaka duniya laga bari te janikina thaka tu asey.
Jawan manu khan te dibole mon thaka message tu etu asey ki zindigi te technology para bi bisi important bustu khan asey. Digital duniya te bisi involve hoikina thaka para amikhan laga bhabna kuribole para laga takat ke komti kuridibo, amikhan laga soch ke change kuridibo aro etu khan te depend hoikina thakibole bi dibo. Etu para manu khan ke bi bisi phutani banaidibo parey aro enaka kurikina manu khan nimiteyasol jibon logotey connect kuribole mushkil hobo. Asli understanding aro kunbake nijor nisna bhabna kora laga ehsas tu technology nohoikina asol duniya logotey jurikina hey ahibo. Etu janibole jaruri asey, kilemaney etu para amikhan ke environment aro society ke loikina responsible hobole encourage korey.
Etu bujikina, manu khan para duniya ke alak tarika para sabole sikhibo lagey. Amikhan kinaka nijor laga ghor logotey emotionally connect hoi etu nisna bahar laga duniya logotey bi connect hobo lagey. Amikhan dusra bustu ke sa laga laga tarika nohoilebi nazariya change kuribole nimitey amikhan laga dimak ke fix bhabna para khali kurikina amikhan ki ke “normal” asey koikina babna korey etu toh hosa bi normal asey na nai etu aro ekbar bhana kuribo lagey.
Etu mesaage para jawan manu khan ke duniya ke nijor laga bhabna kurikina responsibility uthabole koi asey. World Environment Day 2025 laga theme “Ending Plastic Pollution” logotey, etua homoi ahisey amikhan plastic pollution laga khilaf te fight kurikina amikhan laga environment, ghor aro prithvi ke bachabole. Etu toh amikhan laga hodai din laga jibon aro health nimitey jaruri asey.
Add Comment