JD(U) Toh Hoiley Disciplinary Action Loboley Asey, Members Khan Opor Tey, Party Laga Directive Khan Laga Against Tey Jawa Nimitey

April 22, 2024 : JD (U) para toh hoiley party members khan laga against tey disciplinary action loboley asey, tai khan party laga directive khan laga against jai kena vote nimitey, itu Lok Sabha election 2024, JD (U) para koishey, voting pattern khan bhal para assess kuria picjetey result ula pichetey lagi thaka disciplinary action loboley asey. JD (U) Nagaland unit para supporter khan toh hoiley kotha khan mani kena, PDA consensus candidate – Dr. Chumben Murry ke vote dishey, tai khan laga opor tey khushi pawa laga janaishey. JD (U) Nagaland toh hoiley PDA laga alliance asey aru itu nimitey tai khan laga party para directive di kena thakishey DR. Chumben Murry ke he vote diboley directive di kena thakishey, hoilebi, khobor pawa laga hisap tey, Nagaland JD (U) unit laga kunba members khan toh hoiley party laga directive khan laga against tey jai kena, alag party ke he vote kurishey koishey, aru itu jani pai kena, JD (U) Nagaland para statement issue kurishey, koishey.