JEE-Mains aro NEET-UG exams nemide examination centres othideshe

Agencies, 26 August: National Testing Agency (NTA) para aha moina JEE-Mains and NEET-UG exams nemide examination centres othaideshe (besi centre).

COVID-19 pandemic nemide physical distancing lakiya te lok koribole nemide Examination Centers toh JEE-Mains nemide 570 thaka para 660 te othaise aro NEET-UG 2020 nemide toh 2546 para 3843 te othaise. Etu opor te, JEE-Mains te, shifts toh 8 para 12 te othaishe. Per shift te candidates laga numbers toh 1 lakh 32 thoursand para 85 thousand te namaishe.

Etu sal 8 lakh 50 thousand olob naponjikena candidates toh JEE-Mains nemide register hoise aro NEET-UG nemide toh 16 lakhs olob naponjikena register hoise. Examination halls pithor te thek social distancing ensure koribole nemide, candidates toh alak alak seats te thakibo, JEE –Mains laga case te.

Tusara precautionary step hisaab te, candidates laga number ekta room te NEET-UG test nemide mana toh 24 para 12 te namise. Examination hall pahar te social distancing ensure koribole nemide, entry aro exit thakibo. Examination centers pahar te thek para social distancing norms toh manibo nemide thek arrangements korise koise.

Social distancing toh thek manibo nemide candidates ke be “Do’s aro Don’t” laga advisory deshe koise.

NTA para be State Governments ke lekha te, candidates khan examination centres te thek samai ponjibo nemide tai khan per ate support debole koise. Etu sal JEE-Main exam toh 1^st September to 6^th September te lobole ase aro NEET-UG toh 13^th September te lobole ase.