US, 11 January : Prince Andrew ke aarop kuria Virginia Giuffre kuishey ki taike thousands dollars dishey, convicted sex offender Jeffery Epstein para royal logor sex kuriboley kitia tai 17 thakishey, court documents ulai dishey. Sky News laga hisab dey, itu legal papers toh latest batch release kuria maju dey asey kuntu Ms Giuffre laga civil defamation case ke relate kurey Epstein laga ex-girlfriend aro long-time associate Ghislaine Maxwell laga khilaf, kuntu 2015 dey file kurishey aro tui saal piche dey settle kurishey. Court documents dey, Mr Giuffre ke lawyers khan para itu occasion laga hudishey kitia tai Prince Andrew logot 2001 dey time spent kuria laga kuishey.
Notably, Prince Andrew para eku galti kuria maana kurishey. Huilewi Ms Giuffre para jaa par kuishey ki tai laga agey experience, royal logot, Ghislaine Maxwell laga London ghor dey huishey kitia tai 17 saal thakishey. Maxwell, huilewi, itu allegations maana kurishey aro itia ekta 20-saal sentence serve kuri asey federal prison dey maiki khan ke sex trafficking kuria dey tai laga role thakia karoney Epstein logot milaina. Itu disgraced financier toh federal conspiracy aro sex trafficking charges dey trail rukhia homoi muri jaishey 2019 dey.
Ms Giuffre agey dey allege kurishey ki taike Prince Andrew logot sex kuriboley joborjost kurishey 1999 aro 2002 maju dey London, New York dey aro ekta private Caribbean island dey kuntu Epstein para own kurey. Itu deposition dey alag dey, tai para club dey Prince Andrew logot ekta undated visit laga khota kuishey, kutey Prince Andrew para taijun karney “clear drinks” order kurishey bar para aro kuishey ki tai laga drink dey alcohol asey.
Andrew toh frontline royal duties para late 2019 dey ulai jaishey public outrage piche dey ekta BBC television interview dey kutey tai Epstein logot saathi thakia defend kurishey. February 2022 dey ekta US civil case settle kurishey Ms Giuffre para ania, kun kuishey ki tai para taike sexually assault kurishey kitia tai 17 saal thakishey.
Andrew laga ama, late Queen Elizabeth II, tai laga honorary military titles aro patronages para itu piche dey hatai dishey, royal life para taike ulai dishey. Tai para consists assault maana kurishey aro Ms Giuffre ke log paa bhi maana kurishey.
Add Comment