Agencies, 05 May: India te covid-19 dekthari samai motob koribole agae aha celebrities laga list te Actress Jennifer Anniston toh sobse notun laam ase. Actress ke toh popular American sitcom Friends te tai laga character Rachel Green nemite jani. Tai para Instagram stories te awareness spread korise kelay koile desh te deadly virus para dekthari pai thaka nemite.
Tai para post te lekha, “Coronavirus infections laga gara second wave para India te sabha korise, jaija five din te hotai din notun infections laga record duniya te bonaishe”. Tai laga next story te tai para fundraiser mention korise aro aro India te poisa para joldi motob koribole nemite lekhise. Tusara story te tai para sob manu khan jama hobole aro India te motob koribole monn dangor korise. Tai para motob koribole nemite donate koribo nalaki hoilebe apuni ke key platform ase duniya te spread koribole koise kelay koile awareness bona te motob hobo nemite.
Kaam te, Jennifer para etu par original cast logote Friends laga ekta special episode shot kora thakise. Episode te choita leads- “Courtney Cox toh Monica Geller hisab te, David Schwimmer’s Ross Geller, Lisa Kudrow toh Phoebe Buffay hisab te, Matt Le Blanc toh Joey Tribbiani hisab te aro Matthew Perry hisab teChandler Bing aro Jennifer Anniston toh Rachel Green hisab te”- aro-mela (reunion) thakibo.
Add Comment