US, 08 April 2027: Jennifer Garner aru tai laga boyfriend John Miller reportedly couple’s therapy loise, juntu tai logot 2018 para on-off relationship chuli aahi ase. RadarOnline report kurise ke tai duijon etya therapy loiase karon taijon relationship te ekjon “third wheel” ase, ex-husband Ben Affleck, juntu Jennifer Lopez logot divorce file kurar para Jennifer Garner logot bishi depend kuri ase.
Ekta source RadarOnline ke koise, “John to bishi patient thaki ase Ben laga situation logot, kintu etu tai karone besi bhal nohoi. Tai Jennifer ke bishi morom kure, aru tai chari bole mon nai, kintu olop time te etu third wheel thaka accept kuri bole hard hoi jabo.”
Source koise ke Ben aru Jennifer to tai khan laga tinta bacha, Violet (19), Fin (16), aru Samuel (13), karone mili thake, tai bar bar jai Jennifer laga ghor te. Kintu Jennifer bar bar Ben ke support diya to, tai boyfriend John Miller ke disturb kurise.
Source aru koise, “John para Jennifer ke boundary thik para set kuribole lagi ase Ben logot. Tai koise ke completely tai ke life pora hatai dibo na lage, kintu John alchi hoise sob manu ke etu situation te joker nishina dikhai diya para.”
Tai aru koise, “Ben to almost sob din Jennifer laga ghor te ase, dinner te thake, holiday sob te tai ase. Jennifer distance rakhibole try kore, Ben to juta laga niche chewing gum stick thaka nishina ase.”
Insider koise, “Jen aru John etu same kotha pichla ek saal para repeat kuri thakise. Jennifer bar bar promise kure ke next time alag hobo, kintu result same hi thake.”
Tai bhi koise, “Etya bhal para dekhi ase ke therapy hi ekta rasta ase, jun para etu laga solution pai jabo. Tai ekta bhal counsellor search kuri ase juntu daijun trust kuribo pare.”
Insider add kurise, “Hopefully, couples therapy Jen aru John karone bhal kam kuribo.” Etu news etu time te aise jitya Jennifer aru Ben ke March 2 tarikh te tai laga bacha Samuel laga 13th birthday celebration Combat Paintball Park, Castaic, California te ek dusra logot haat dhuri kena dikhise.
Add Comment