Jennifer Lopez tho Ben Affleck lokot deh divorce file kuri bole mun taka nai

October 13, 2024: Jennifer Lopez aro ben Affleck laka divorce drama tho numura hui jai shae. Actor couple tho ekta high profile divorce jamala deh pasi nah ase, August mohina para. Divorce hua piche deh b taikan keh public keh diki shae, hoile b reports kan para divorce tho itia b jai ase kui shae. Itia ekta nutun report para Jennifer tho divorce kuri bole mun taka nai kui ase, hoile b jinta deh taki shae. People Magazine laka ekta report para actor-singer laka close deh taka ekta source keh quote kuri shae. Source para etu tho sobse dictar sal kan taki shae kui shae, taila life deh. “Jennifer tho divorce karne file kuri bole mun taka nai. Tai tho choice ekta b taka nai kui nah papna deh taki shae. Ben lokot deh eku change nahu bo,” Report para source keh quote kuri shae. Source para Jennifer tho etu karne upsos taki shae kui shae, hoile b move on kuri bole decide kuri shae kui shae. “Tai tho bishi upsos deh taki shae. Hoile b tai mun dangor taki nah move on kuri bole decide krui shae. Tai itia nijor karne time lui ase,” Source para kui shae.