US, 02 May 2025: Hollywood actor Jeremy Renner ekta interview te kotha koi se ‘Hawkeye’ series laga second season rukhi thaka plan. Recent te tai ‘High Performance’ podcast te appear kuri kena openly kotha koi se ki ki hoi screen laga pichete aru ki karone tai season 2 na kuribo decide kurise.
Tai koi se, “Moi ke season 2 karone approach kurise, kintu moi first season te jiman paisa dise, etiya half offer kurise.” Tai etu bhi add kurise, “Moi bhabise, etu kaam jiman besi time aru effort lagibo, kintu paisa half hobo. 8 month time lagibo full, aru etu half poisa te?”
Jeremy bhabise etu reduced offer hobo pare karone tai 2023 te juntu dangerous snowplow accident te thakise. Tai koise, “Moi koise, ‘Sorry? Ki karone? Apuni bhabise moi half Jeremy hoi jaise accident pichete? Etu karone apuni moi ke half poisa dise naki?’”
January 2023 te Jeremy serious injury hoi se, juntu tai 14,000-pound snowplow ekta chola thaka time tai nephew ke help kuribo jai accident hoise, tai laga Lake Tahoe ghor osor. Tai multiple fractures hoi se, 14 jagate 8 ribs bhangise, aru tai knee, ankle, clavicle, shoulder aru alak part bhi injured hoi se.
Tai koise, “Etu Marvel nahoi, etu Disney laga bhi nai. Etu khali olop poisa bachabo paribo koi thaka accountant khan laga kaam ase. Moi tai khan ke koidise, kite urai loi jabi. Moi insult hoise etu offer para. Etu karone ami khan ekjon ekjon ke sabole mon nai.”
Kintu etu sob disappoint kura experience hoile bhi, Jeremy completely door bondh kura nai. Tai koise, “Dukh lage, kintu moi etu character ke bhal paai. Moi etya bhi etu role kuribo bisare, kintu moi nijor respect protect kuribo lagise. Moi besi poisa na mange, khali etu koise ki jiman first season te dise, etu dibi.”
Tai aru koise, “Disheartening ase ki etu hobole para nai, kintu thik ase. Moi na koi diya, karone moi laga body thank you koi thakibo etiya. Kintu future te ki hobo, sai lobo.”
Add Comment