Jet Airways’ Training Programme sabole kuribo

MUMBAI, SEPTEMBER 25 : Aviation Regulator Directorate General of Civil Aviation (DGCA) pora Jet Airways lagaTraining Programme karne ki-ki sabole kuribole ase (inspection) koi kena Senior Regulatory Official pora khobor te janaise.DGCA Guidelines hisabte Sob Air Operators kan tai kan neju laga Crew members kan ke thik pora Training Programme toh manabole kurikena ahkete luijabole kuribo lagi. Aro Air Operators kan bi etu DGCA Guidelines hisabte tai kan Training Programme toh thik pora manaide kena khotum kuridebole lagi aro Crew members kan etu Training pora thik te sheki kena thakibole lagi koise.Etu karne etu kan sob nemite sabole karne DGCA pora 3 din nemite Inspection manabole ase koise. Etubi Jet Airways laga Training Programme nemite. Aro etu time te tai kan pora thik te etu Training toh kinika manaise etu kan sabole ase koi kena, DGCA Official pora PTI khobor te janaise. Aro etu Inspection toh Monday din pora suru kurikena Thursday din dak manabole ase koise.