Agencies, 13 November: Monday din four-day Group C Ranji Trophy laga suru din time deh Jharkhand pora Haryana logode 39 runs pora jeta thakise. Jharkhand nemide medium pacers Ajay Yadav (4-24) aro Rahul Shukla (3-24) pora opposition batsmen lowah thakise. Tai jun logode purnana India speedster Varun Aaron (2-21) pora be motob kora thakise. Etu tinta khelari majode nine wicket toh lowah thakise. Haryana captain Mohit Sharma toh run out howah thakise. Bat deh first jun bechide Haryana toh ekta stage deh 3-51 thakise. Hoilebe tai khan 41.3 overs deh 81 pora sob out howah thakise. Tai khan laga opener Shubham Rohilla pora 36 top score kora thakise aro Himanshu Rana toh 25 run pora sosta out howah thakise. Etu tuita ke chari kena tusara bachi thaga batsman ke Jarkhand pacers pora bowling out kora thakise. Hoilebe Haryana stumps loikena game up aro down kora thakise. Tai khan Jharkhand logode 120-6 hee lobole deya thakise. Jharkhand toh captain Ishan Kishan logode 39 pora agae deh thakise. Etu time deh Anukul Roy be out nahoi kena 22 run lowah thakise.
April 26, 2026
World's First and Only Nagamese Newspaper
Add Comment