National

Jharkhand laka former CM Hemant Soren ki land laka scam kurne judicial custody dhe pataishae

February 1, 2024

February 1,2024: Jharkhand laka Former Chief Minister Hemant Soren para signal ekta deshae tai ki Prevention of Money Laundering Act(PMLA) laka case kurne Ranchi deh February 1 dhe.

“Hemant Soren ki judicial custody dhe ek din krune pataishae. Dos din laka remand dho order dhe ase aru reserve kurikina ase aru next hearing dho kali lubo koishae,” enika advocate Manish Singh para koishae.

Soren dho Wednesday dhe arrest kurishae Enforcement Directorate (ED) para ekta poisa laka laundering case kurne koto dho mathi laka scam deh linked ase Wednesday laka radi dhe Jharkhand Mukti Morhca(JMM) laka leader para state laka chief minister laak office chara biche dhe.

ED para koishae ki tai kan lokot evidence ase ki Soren dho key beneficiary ase etu mathi laka related issue kurnne Ranchi dhe koto tade brokers aru businessmen kan sal pura tade kam kuri takishae landed deeds laka fake deeds banaboli aru registrar laka office dhe records banai takishae aru etu ki bikai takishae.

Olop etu hua biche dhe Hemant Soren para Chief minister laka psot dho charishae. JMM laka leader Champai laka Soren ki legislature laka party laka leader elect kurishae. Jharkhand laka Governor CP Radhakrishnan para Champai Soren ki Raj Bhavan dhe invite kurishae 5:30pm dhe achi.

Manu kan laka esab dhe koto kan etu matter laka jane tai kan koishae ki ruling camp para 47MLA  kan laka support claim kurishae koto letter dhe khali 42 MLA kan laka signature ase. JMM legislator Rabindranath Mahto, JMM laka legislator Chamra Linda, Lobin Hembrom, Ramdas Soren aru Sita Soren kan laka nam kan missing takishae.

“Tai kan moi ki accuse kuri ase koto dho moi lokot olob bhi related nai. Tai kan moiki mathi laka scam kurne accuse kuri ase hoilibhi mathi dho kitya bhi bika nai. Tai kan eku evidence  pa nai moi  laka against dhe. Tai kan Delhi dhe raid kurishae aru eku eku pa nai. Achi tai kna ahikina pura din question huti takishae. Tai kan jane sam dhe court dho bon hoijai aru tai kan moiki evening dhe arrest kuriboli laka decision loishae,” enika Hemant Soren para announce kurishae.

“Tai kan moi ki arrest kurilibhi moi eku bhoi nai. Moi Shibu Soren laka bacha ase. Fight kuriboli dho moi laka ghoon dhe ase. Moi lokot laka eku connection nai. Moi ki fake papers lokot bhasai kina ase,” Hemant Soren para enika koishae.