Jharkhand te May 27 dak lockdown othaishe

Ranchi: Jharkhand government para lockdown neshina restrictions toh aro kara wala aro etu oper te dosura state para aha manuh khan ke 7 din quarantine mandatory koriboli koishe. State te COVID-19 cases besi othi-thaka nemite May 27 darik dak thakibo, koikena officials para junaishe. Wedding samai akhe te 50 jun thaka toh 11 jun te komti korishe aro etu ghor te nahoile court te koriboli janaishe. April 22 darik te 1^st restrictions toh May 13 darik tak thakishe aro itya May 27 darik aro othaishe. Etu fesal toh Chief Minister Hemant Soren para chair korikena State Disaster Management Authority logot meeting samai bonaishe. Jharkhand te  second wave COVID-19 toh besi beya jai ase, Wednesday din te coronavirus bemar para 103 manuh morishe, etu melaikena state capital Ranchi te 4,085 mora khobor ase. State te ”Health Safety Week” koikena May 16 darik para soruh koribo, etu samai puila restrictions May 13 darik dak thaka toh aro May 16 darik dak othaishe, koikena officials para janaishe. Inter-state aro intra-state buses peraboli bondh hoishe aro private gari nemite e passes lakibo koishe. Officials para koishe, weddings te puila 50 manuh fixed hoikena thaka toh 11 manuh te lamaishe aro etu weddings toh ghor te nahoile courts para loboli lakibo. Weddings samai ceremony organize koriboli mana ase, officials para koishe. Etu samai social distancing neum toh besi kara te jolaboli janaishe, keli koile state te manuh 5 jun oper peraboli mana korikena ase. Health Safety Week nemite 1^st restrictions toh April 28 darik para May 6 darik te thakishe aro etu beche itya May 13 darik dak aro hoishe. Education centres aro coaching institutions bondh korishe aro examinations postponed hoikena ase. Cinema halls, multiplexes, stadiums, gymnasiums, swimming pools aro parks toh state te bondh korikena ase. Agriculture, industries aro mining kam toh jai ase aro etu samai essential kam aro emergency services nemite kula ase. State te 4,365 notun COVID cases thura te itya 2,96,895 bemari cases hoikena ase. Itya dak state te 54,533 active cases ase aro 2,38,277 manuh bemar bhal hoikena ase. Ranchi district te bemari para 36 manuh mora notun khobor paishe aro etu samai East Singhbhum te 14 jun morishe aro Dhanbad te 10 jun morikena ase koishe.