Jharkhand te total lockdown junaishe

April 21, 2021. Jharkhand State Government para 8 din lockdown ordered thishe. Jharkhand te lockdown toh April 22 (Thursday) in 6:00 am para loikena April 29 6pm dak thakiboli junaishe. Etu khobor toh Jharkhand Chief Minister Hemant Soren para Tuesday din te janaishe. Jharkhand te lockdown toh COVID-19 halat saikena state te aro othabo pareh koishe. State te political aro non-political organisations khan para demand kora nemite Jharkhand te Lockdown toh junaishe. Jharkhand te 8 din lockdown thaka samai essential services toh kula thakibo koishe. Central aro state governmentoffices aro dosura private offices Government para identified korikena thaka be bondh koribo koishe. “coronavirus bemari rokabo nemite ami khan para ‘Swasthya Suraksha Saptah’ toh April 22 para April 29 darik dak shops aro business establishments bondh thakibo, kali essential saman beka kula thakibo,” koikena Jharkhand laga CM Hemant Soren para junaishe. Hoilebi, state te religious jaga toh kula thakibo aro devotees khan ayaa mana koribo koishe. Monday din Delhi te be 6 din nemite lockdown junaishe. Tuesday din India te 2.59 lakh COVID-19 cases thurishe, etu sob melaikena 1.53 crore cases oper hoikena ase. India pura te 24 gonda pithor te COVID-19 bemari para notun 1,761 manuh morishe. Etu samai Ministry of Home Affairs (MHA) para state logot koishe ke, testing, lab infrastructure aro COVID-19 hoshari kam soruh koriboli janaishe.