J&K: Kulgam larai te LeT terrorists 3 jun morishe

Kulgam: Wednesday din Kulgam te police logot larai kora samai terror outfit Lashkar-e-Taiba (LeT) logot melikena thaka tin(3) jun terrorists morishe koishe. “etu jaga te terrorists khan bohi thaka khobor powa nemite, Kulgam te Kulgam Police, 18Bn CRPF aro 09RR para melikena join operation kora samai larai korikena terrorists ke moraishe. Search operation samai police para terrorists khan ke besi paar surrender koriboli koishe, hoilebi etu terrorist para joint search parties khan logot goole mara soruh hoikena etu samai tuita(2) Army jawan jokom powa nemite Srinagar based Army hospital te air para loikena jaishe. Etu samai Security Forces para be wabas goole jolaishe aro larai soruh hoishe,” koikena Jammu & Kashmir Police para khobor toh janaishe. Police laga khobor hesab te, etu tinta(3) terrorists khan toh larai kora te morishe aro tai khan laga bodies toh larai kora jaga para othaishe. Terrorists khan laga nam toh Waseem Ahmad Bangroo, Redwani Kulgam jaga laga ase, Shahnawaz Ahmad, Kilbal Shopian jaga laga aro Zakir Bashir, Chimmer Kulgam jaga laga ase koikena jenishe. “etu mora terrorists khan sob toh LeT terror outfit (self-claimed TRF) party ase. Khobor hesab te , Zakir Bashir toh olop din akhe te joined kora ase aro etu terrorists khan sob toh alag-alag jaga te terror kam korikena ase,” koikena Jammu & Kashmir Police para aro janaishe. Etu samai, bantok, gooli aro dosura saman toh larai kora jaga te paishe. Police para law section alag-alag te case registered korishe aro itya investigation jai ase koishe.