Srinagar: Jammu aro Kashmir Lieutenant Governor Manoj Sinha para koishe, Thursday rathi para 8 district laga urban jaga te curfew thakibo, etu oper te Jammu aro Srinagar te be coronavirus cases othi-thaka toh rokaboli janaishe. Rathi samai curfew koriboli toh Friday din para soruh koribo, koikena Lt governor office para khobor toh junaishe. “corona curfew toh divisional administration logot 10 pm para 6 am dak thakiboli order thishe aro etu curfew toh 8 districts pithor te urban jaga te COVID cases otha nemite ase,” koikena janaishe. Curfew thakiboli district toh- Jammu, Udhampur, Kathua, Srinagar, Baramulla, Budgam, Anantnag aro Kupwara ase koishe. Curfew toh urban local bodies pithor te municipal limits hesab te etu district te thakibo. Reasi district te bemari cases othi-thaka nemite kam toh kara hoikena saboli ase janaishe.
Add Comment