J&K: Shopian encounter te 3 terrorists morishe

SRINAGAR: Notun intelligence khobor heab te terrorists khan para Uri te Army bases aro government buildings hamla koribo kotha te, etu jaga te security arrangements toh rakina ase aro high alert te thakiboli janaishe. Khobor para notun intelligence kotha janai deya te koishe ke, konuba ultras khan para Army bases, posts or government buildings aro etu jaga osor hamla koriboli neshina ase koishe. Army officials ke janaishe ke, Uri military setups aro osor jaga te security arrangements toh high alert te thakina security aro sentries te jawan besi rakiboli koishe. Etu neshina arrangements toh important government buildings te be rakiboli koishe. Jammu & Kashmir te security forces officials para koishe, Uri jaga te jowa tin(3) din para terrorists hataboli operation kori ase. Administration para mobile Internet toh tin(3) nemite suspended korikena ase, etu nemite tai khan laga local manu logot khobor nalobo nemite aro residents khan laga movement toh be restriction korikena ase. Itya besas ase ke, local manu laga motob para etu ultras khan ke hoshari jaga te rakina thakibo pareh koishe. September 18 darik te, security agencies para 6 terrorists Pak-occupied Kashmir (PoK) te thaka toh Indian Territory Uri sector te bantok aro goole loikena jaikena ase koishe. Officials kaun khan operational developments te ase, koishe ke Army laga hath te infiltrators laga notun group toh Uri via Gawahalan bosti border te puila Pakistani terrorists para Uri te military base September 2016 saal te hamla kora jaga te jaikena ase koishe.