Jammu: COVID-19 bemari rokabo nemite, Sunday din Jammu & Kashmir administration para educational institutions aro college & universities toh May 15 darik dak bondh koriboli junaishe. Administration para aro social gathering restrictions korishe aro market associations khan logot voluntarily para dukan samai toh jolaikena manuh besi jama nakoriboli official order para janaishe. Etu notun hokom toh Jammu & Kashmir te coronavirus cases notuh 1,526 powa nemite ase aro etu saal pithor 1 din laga sobse besi cases ase, sob melaikena 1,46,692 manuh logot bemar hoikena ase. Union territory te coronavirus para manuh mora toh 2,057 te othishe aro 24 gonda pithor te 6 jun morishe koishe. Higher educational institutions bondh koriboli fesla toh Lt Governor Manoj Sinha para bemari halat toh saikena meeting kora samai janaishe. Etu moina olop din akhe te government aro private schools te students aro teachers logot coronavirus positive tested powa beche bondh korishe. Etu samai, J&K Board of School Education (JKBOSE) examinations nemite 10th, 11th & 12th classes toh cancelled nahoile postponed koribo. Colleges toh online mode te jabo, koikena order para janaishe. Singh para aro koishe ke, J&K te educational jaga sob toh May 15 darik dak bondh thakibo. “manuh khan gatherings/functions nahoile funerals te 20 jun oper jama nakoribo, ghor pithor te nahoile ghor bahar te gatherings samai 100 oper manuh mana thakibo,” koikena Mr Singh para aro koishe. Sob district magistrates khan para COVID neum toh manuh besi thaka jaga neshina markets shopping complexes aro Malls te saikena peraboli janaishe. Etu nemite local bazar / market associations khan para melikena motob koriboli koishe aro kaun manuh khan para etu neum toh beya koribo, tai khan oper te tangor action loboli janaishe.
Add Comment