J&K te Terrorists tui(2) jun ke moraishe

Srinagar: Wednesday din Jammu & Kashmir te police para separatists aro terrorists logot motob deya suspect te tangot hatsa ekta kamyaab hoishe, koikena officials para khobor toh junaishe. Etu pujur samai Pulwama district  laga Tral aro Awantipora jaga te anti-terrorist operation samai  tuita (2) terrorists ke moraishe , koikena police para janaishe.  Etu operation toh terrorists logot khobor deya manuh ke thura beche tai para etu khobor toh janaishe. Etu search operation samai  terrorists para security forces oper te goole marishe, etu nemite security forces para be wabas jawab deya te terrorist ek jun ke moraishe. Itya etu terrorist toh kaun group para ase khobor kori ase. March 30 darik te be tuita(2) Lashkar-e-Toiba (LeT) militants ke Rainawari area Srinagar te security forces logot larai kora samai morishe. “khobor konuba powa nemite, security forces para check korikena ekta(1) Chinese grenade toh Bandipora, Ashtango bosti te etu grenade logot manuh logot melikena thaka Irfan Ahmad Bhat, Sajad Ahmad Mir aro Irfan Ahmad Jan, koikena etu manuh khan ke thurishe. “Bandipora district, Rakh Hajin te ‘Naka’ (Checkpost) bonaikena thaka samai, security forces para ek jun terror manuh Irfan Aziz logot ekta(1) chinese grenade toh tai laga hath para paishe. “Irfan toh Pakistan based terrorist, Umer Lala logot melikena thakishe. “Irfan aro Pak based terrorist para toh Hajin jaga te terror hamla ekta koriboli plan thakishe koishe. “etu tui(2) cases nemite police stations Bandipora aro Hajin te etu hatsa toh registered korishe,” koikena police laga khobor hesab te janaishe. Police para aro janaishe ke, etu tuita(2) terrorists mora laga nam toh Shafat Muzaffar aro Umer Teli thakishe koishe.