J&K: Terrorists para SPO aro maiki ke moraishe

New Delhi/Srinagar: Sunday din Jammu & Kashmir laga Pulwama district te Special Police Officer (SPO)  aro tai laga maiki ke terrorists khan para ghor te jaikena goole para mari-thishe. Etu samai tai jun laga chokri be jokom paishe. Fayaz Ahmad toh Hariparigam, Awantipora jaga te thaka manuh aro koikena police para khobor toh janaishe. Terrorists para tai khan laga ghor te 11 pm samai jaishe aro ghor manuh oper te goole jolaishe, officials para janaishe. Tai khan ke hospital te loikena jaishe aro SPO aro maiki Raja Begum toh jokom powa nemite morishe aro chokri Rafia toh elaj kori ase koishe. Security forces para janaishe ke, etu jaga toh bondh korikena terrorist ke thuriboli persari ase koishe. Etu incident toh terrorists para Jammu te Air Force base te Indian military installation jaga te 1^st samai drone para hamla kora din te thakishe koishe. Tuita(2) Air Force personnel toh blast howa nemite jokom paishe, etu samai toh 2 am thakishe aro jaga toh high security airport te Pakistan border para 14 km jaikena ase koishe.