Jammu, 02 December: Monday din Jammu and Kashmir National Panthers Party (JKNPP) para December 7 direk ‘Jammu bandh’ kuribole janaishe. Etu toh hoile Article 370 provisions hataideya bechide mobile Internet services suspend hoikena thaga nemide aro Jammu-Pathankot highway deh Sarore laga toll plaza bona ke kelaaf kuribole nemide ase.
JKNPP chairman aro former minister Harsh Dev Singh koise, “Ami khan government laga authoritarian moves ke kelaaf korikena December 7 direk peaceful bandh deh hisha lobole request janai ase”.
August 4 direk Jammu region deh Mobile Internet Services bondh korise. Etu toh Jammu laga Article 370 provisions nahataideya agae deh ase. Jammu laga Article 370 provisions hataidekena tuita Union Territories bonaise aro etu toh October 31 direk para suru howah thakise.
August 16-17 rati deh Jammu region laga five district deh low-speed service toh suru howah thakise. Hoilebe aro August 18 morning para suspend howah thakise.
Khobor hisaab deh, Jammu deh internet bondh howah para student khan general aro competitive exams nemide daiyari kori thaga dekthari pai ase aro busiess manu khan be besi poisa lose hoi ase. Internet services nathaga nemide unemployed educated yoyth be ektum dekthari pai ase.
Sarore, Samba district deh notun toll plaza bona opor deh JKNPP chairman koise, “city laga temples toh city laga toll plazas hoise”.
Add Comment