J&K’s Shopian te 3 terrorists morishe, 1 jun surrender

Shopian, Jammu & Kashmir: Thursday din Jammu & Kashmir laga Shopian district te security forces aro terrorists larai kora te tin(3) jun terrorists morishe aro ek jun police osor te surrendered korishe, koikena police para khobor toh janaishe. South Kashmir district laga Kanigam jaga te security forces para rathi te operation kora samai terrorists khan etu jaga te thakishe aro larai korishe, police officials para koishe. Tai aro koishe ke, Al-Badr laga notun terrorists 4 jun thaka laga khobor honikena security forces para parai dak kam korikena surrender koriboli thishe. Hoilebi, terrorists khan para surrender kora neshina olaikena security forces oper te goole aro grenade marishe, koikena khobor toh officials para koishe. Etu beche security forces para be goole jola soruh hoishe. Hoilebi etu larai kora samai ek jun terrorists para security forces logot surrendered korishe aro dosura tinta(3)  terrorists toh morishe koishe. Surrendered kora terrorist nam toh Tausif Ahmad thakishe koikena officials para janaishe.