Thailand, 9 December : Nisha Das, JNV Biswanath laga ekta student, Thailand te December 4 pora 6 te hobo Korat Para Cycling Cup – Test Event for 13th ASEAN Para Games 2025 te dangor performance dikhi Biswanath district te dangor naam loi dise. Tai India karone charita medal loi dise.
Itu jagate pai thaka information hisab te, Nisha 1 km Individual Time Trial (Track) te silver, 200 m Sprint (Track) te silver, 4 km Individual Pursuit (Track) te bronze aru Road – Individual Time Trial te ekta aru bronze loi dise.
Sonitpur laga Sarakahat village, Khelmati te thaka Nirmal Das laga meye, Nisha Road Cycling event te participate kori dise. Tai Rangareddy JNV, Andhra Pradesh te training loi thakise, juntu Navodaya Vidyalaya Samiti laga sponsorship te manage kora hoise.
Add Comment