June 22, 2024: Police para friday din Rajasthan laka Jodhpur jaka deh communal clashes hui shae kui shae. Etu communal clashes tho tuita religious groups majo deh hui shae aro etu din deh police para taikan, kom seh kom 51 jun keh detain kuri di shae kui shae.
Police laka isap deh, clashes tho tuita nutun gates laka installation deh hui shae, kuto Rajaram Circle laka osor deh taka Eidgah deh hui shae. Locals kan para taikan laka construction tho local municipality laka legal protocols keh follow nakureh kui nah kwa piche deh jamala tho shuru hui shae. “Dispute tho olop din karne taki nah ahi ase. Incident tho 10:15pm phale hui shae. 10 to 15 locals kan Eidgarh para alak group keh pator kan bika shuru hua piche deh dispute tho shuru hui shae,: Jodhpur police commissioner Rajendra Singh para kui shae.
Staff kan Eidgah deh taka gates keh inaugurate kura time deh locals kan protest kuri taki shae kui shae Singh para. Hoile b tai para police aro local municipality kan jaka deh puncha time deh tho jamala tho kotom hui nah taki shae kui shae.
Add Comment