November 17, 2023: US President Joe Biden, tai off script jai nah taila Chinese counterpart Xi Jinping keh “dictator” mati shae aro etu kwa time deh US Secretary of State Anthoy Blinken bui kai jai shae aro mata hilai taki shae.
President Xi Jinping, choi sal piche deh America laka mati deh first time ahi shae President Joe Biden lokot ekta high-stake summit lubo karne. Etu summit tho tuita nation laka majo deh bilateral relation bhal kuri bo karne kura ase.
“Tai ekta communist country sah karne tai ekta dictator ase. Etu government tho mukan laka government lokot edkum alak ase,” President Biden para summit deh kui shae. Blinken etu hunni nah taila mata hilai taki shae aro etu alak video tho social media kan deh viral hui jai shae.
Chinese government kan para etu remark kuto US President para di shae etu strongly condemn kuri shae. “Enaka nishi nah speech tho bishi bia ase aro irresponsible political manipulation ase. China kan oppose kura etu tho,” Chinese foreign ministry spokesperson Mao Ning para kui shae.
Blinken para hoile b Joe Biden laka comment tho defend kuri shae. Tai para China kan kushi napa laka statement kan expect kuri bo lakeh kui shae.
Add Comment