Las Vegas, 02 April 2025: John Wick franchise laga fans khushi hobole lage, karon actor Keanu Reeves wapas ahi ase tai laga iconic role, hitman John Wick, John Wick 5 upcoming movie te. Hollywood Reporter, Lionsgate Tuesday din CinemaCon, Las Vegas te etu upcoming installment announce kori se.
Keanu logot director Chad Stahelski bhi John Wick: Chapter 5 karone wapas ahi ase. Pichla installment te, John Wick laga character mori jaa laga dekhai se, kintu Lionsgate movie develop kori ase Thunder Road producers Basil Iwanyk aru Erica Lee logot. Aru franchise director-producer Chad Stahelski aru producer-actor Keanu Reeves bhi itu project te ase.
Lionsgate Motion Picture Group chair Adam Fogelson koise,
“Keanu, Chad, Basil aru Erica wapas na ahibo jodi tai etu character aru etu duniya para notun saman nai koile. Ami khan eagerly wait kuri ase, juntu journey next step te jabole ase.”
John Wick: Chapter 4 jun 2023 te release hoise, global box office te $440 million cross kori se. Movie last scene te Ian McShane laga Winston aru Laurence Fishburne laga Bowery King ekta grave laga samne stand kori thaki se, jun te John Wick laga naam thaki se.
John Wick franchise first time 2014 te suru hoise, jun te Keanu Reeves ekta hitman role play kori se jun retirement pora wapas criminal laga dunia te pasi jaai.
Etu logote, action franchise aur expand kori ase, ekta animated prequel film aru ekta Caine-centric standalone film, jun laga director-star Donnie Yen ase. Itu khan upcoming spinoff Ballerina logote juri dise, jun te Ana de Armas lead role play kori ase. Itu film June 6 te theatre te release hobole ase.
Add Comment