Tripura, December 30, 2025: December 30 te, intelligence input laga hesab para, Tripura Police, Assam Police aro Central Intelligence agencies khan mele kena extremist operative ekta ke dureshe, Tripura te.
Durea laga nam toh Jagir Miah ase, aro tai laga sal toh 33 ase, tai laga baba laga nam toh hanif Miah ase. Aro tai toh Jaipur Village te buhea koishe. Kumba sources laga hesab te, Jagar Miah ke besare thake she, STF Police Station Case No. 06/2025 karne. Etu case toh Sections 143, 147, 148, 149, 150, 152, and 113(5) of the Bharatiya Nyaya Sanhita (BNS), 2023, aro Sections 10, 13, 16, 38, 39, and 40 of the Unlawful Activities (Prevention) Act (UAPA), 1967 laga betor te ase koishe.
Investigators laga hesad te Jagir Miah toh Iman Mahamude Kafila laga member ase koishe. Etu group toh banned outfit Jama’atul Mujahideen Bangladesh (JMB) laga extension ekta ase koishe. Preliminary investigation te paishe ki Jagir Miah toh utu group laga members khan logo te khota kure thake she whatsapp te, ta teh para extremist khan laga ideology khan Sekai thake she aro activities khan coordinate kure thake she.
Janir Miah ke police laga custody te de deshe, aro hodai kurea ase tai ke. Aro investigation khan ja ase tai keman etu group te mele kena ase aro alak member khan laga jan kare besarea ase.
Add Comment