Joker 2 actor Tim Dillon para sobse pocha film ase kui shae

November 10, 2024: Comedian Tim Dillon, kun Joker :Folie a Deux deh ekta chutu role play kuri shae, tai para etu tho sobe pocha film ase kui nah film keh criticize kuri shae. Tim, tai recently The Joe Rogan Experience deh ahi shae aro film time deh, tai para alak cast members kan ‘bomb’ hobo leh ase kui nah kotha kuri taki shae kui nah share kuri sha. Tai para film tho “hate-watchable” b nahoi kui shae, maneh film laka bia kotha kuri bole b sabo napareh. Tim para etu kui shae,” Mui Joker 2 deh taki shae, kuto itia heh olai shae. Etu tho sobse bia film ase, Muila papna deh etu hui shae. First joker hua piche deh etu nishi nah kotha kan taki shae,’Oh, etu film tho incels kan para kushi pai shae (incel maneh maike keh tani bo napara jawan chokra kan). Etu tho gulti manu kan para kushi pai shae. Etu para gulti message patai di ase. Male rage! Nihilism!”. Aro muila papna deh taikan etu papna kuri shae, ‘alak rasta deh jai leh kinaka,’ aro taikan lokot deh itia Joaquin Phoenix aro Lada Gaga ase, kun ekta point deh tap dance kuri taki shae.” Film deh, Tim tho Arkham Asylum laka security guard taki shae. Etu sequel tho negative reviews ani shae. Box officer deh taikan khali $58 million heh pai shae, domestically aro worldwide, $204 million. 2019 film, Joker tho $1 billion gross kamai shae.