New Delhi, Sep 2(UNI): America laga mashoor musician aro Grammy inam jeetia Jon Batiste India te first time perform kuri bole ase. Tai laga ghana kushi pa khan karne etu bishi khas homoi ekta hobole ase.
Jon Batiste, sat(7) bar Grammy aro Academy inam jeetishe. Tai duita sheher te perform kuribole ase. Sobse age tai Delhi-NCR te perform kuribole ase November 24, 2025, Bharat Mandapam Convention Centre, Plenery Hall te. Aro dusra toh Mumbai te November 26, 2025 te perfrom kuribole ase. Jaga toh pichi te hai manu khan ke janai dibo. BookMyShow Live khan para hai etu concert khan sob sai di ase.
Jon Batiste la 9th studio album Big Money August 22, 2025 te shuru kurishe. Etu album te bishi dangor artist khan bhi mile kina kam kuri na ase, Jiman Randy, Newman, No I.D, aro Andra Day khan neshena. Jon Batiste Plays America toh shuru hoishe United States te August 27 para.
India te bhera bole Jon Batiste bishi khushi pai kina ase. Tai koishe ki: “India laga ghana adma moi ke bishi inspire kuri. Moi khushi ase ki Mumbai aro Delhi te perform kuribole ase. Etu tour toh moi khisa, khushi aro ghana khan kuri kina moi khan ekta hoi kina age jabole kuri ase. Moi rukhibole naparikina ase India te etu experience kuribole.
Ticket toh BookMyShow te thaki bo. Pre-sale shuru hobole ase September 3, 11 baji para aro general sale toh September 5, 11 baji para.
Add Comment