Amaan, October 18, 2023: Jordan kan ekta summit lubo leh taki shae United States President Joe Biden, Egyptian aro Palestinian leaders kan lokot Gaza laka kotha kuri bole. Hoile b Gaza laka hospital blast hua piche deh Jordan para etu summit tho cancel kuri di shae, Al Jazeera para report di shae country laka Foreign Minister Ayman Safadi keh quote kuri nah.
Safadi para parties kan Palestinians laka against war aro massacres kotom kuri bole acha kwa piche deh hehe meeting tho lubo kui shae aro Israel laka military campaign keh botnam di shae region keh destroy kura karne.
Al Jazeera laka isap deh, Jordan laka King Abdullah four way summit host kuri bo taka ase kui shae. Etu summit tho Gaza keh humanitarian assistance dibo leh lua ase humanitarian catastrophe prevent kuri bo karne.
Abdullah para Gaza hospital deh blast hua kuto para 500 Palestinians murai shae, etu hamla karne Israel keh botnam di shae aro etu tho “humanity laka against sorom” ase kui shae. Israel kan keh aro taikan laka military assault tho phat kotom kuri b kui shae.
White House para statement ekta di shae US President tho taila Jordan visit tho postponed kuri di shae kui nah. Tuesday laka explosion kuto Gaza hospital deh hui shae, etu hua piche deh visit tho postponed kuri di shae kui shae.
“President para taila deepest condolences kan di ase hospital deh innocent lives kan hara karne aro jokom kah manu phat bhal hobo kui nah wish kuri ase. Tai etu leaders kan lokot face to face kotha kuri bole rukhi ase aro taikan lokot regularly kotha kuri bole acha kui di shae,” White House official para kui shae.
“Mui gusa ase ase aro Gaza laka AL Ahli Arab hospital deh explosion hua karne mui upsos deh ase. Etu kobor thik huna lokot mui King Abdullah of Jordan aro Israel laka Prime Minister Netanyahu lokot kotha kuri shae. Mui amil aka national security team keh ki hui shae etu bisari bole kam di nah ase,” Biden para statement ekta deh kui shae.
Biden Tuesday din deh Israel karne olai jai sae Joint Base Andrews Mayland para.
Add Comment