New Delhi, 18 March : Australian fast bowlers Josh Hazlewood aru Pat CumminsIndian Premier League (IPL) 2026 laga start miss koribo, karon duijon etiya rehab programme te ase kuina report ahise.
Josh Hazlewood, juntu Royal Challengers Bengaluru karne khele, hamstring aru Achilles tendon injury pora recover kori ase. Tai defending champion laga at least first duita matches miss koribo kuina expect kori ase. Tai last competitive match khelise New South Wales logot Sheffield Shield match te Victoria khilaf Sydney Cricket Ground te, juntu almost 5 mahina age hoise.
RCB tai ke IPL 2025 auction te ₹12.5 crore te kinise, aru tai bisi bhal performance dikhai dise—12 matches te 22 wickets loi 17.54 average aru 8.77 economy logot, aru team laga first title jitibole bisi help kori dise.
Dusra fale, Pat Cummins, juntu Sunrisers Hyderabad captain ase, back injury pora recover kori ase. Tai March 28 din Royal Challengers Bengaluru logot opening match miss koribo M. Chinnaswamy Stadium te. Tai laga return timeline clear nohoi, tai Ishan Kishan early phase te SRH ke lead koribo kuina likely ase.
Cummins etiya 72 IPL matches khelise aru 79 wickets loi ase. Last duita seasons te SRH logot 30 matches te 34 wickets loi ase.
Add Comment