GUWAHATI | February 19: CRPF jawans ke Pulwama te hamla howa bicchete India aro Pakistan majote diktari ola majote Assam laga Simanta Saikia laga ghor manu khan mon jinta ase.
Simanta Saikia, ekjun 30-saal manu ke aalag 20 maas thuriya manu khan logote Pakistan Maritime Security Agency pora thurise. Etu khatna toh jowa saal Arabian Sea te Gujarat coast pora olop door te October 28 te hoise. Tai khan laga ghor manu khan ke ek din bicchete tai laga bhai, Diganta, kono bi Gujarat te kam koriye pora khobor korise.
Etu ghor manu khan pora Assam Chief Minister Sarbananda Sonowal ke Pakistan jail pora olaibo nimite modot mangise. State government pora etu bicchete external affairs ministry ke koise.
Deccan Herald logote phone te kotha koriya samoy te, Simanta laga cousin Arup Saikia pora koise, “Moi khan pora besi request koriya bicchete, state government pora ghor manu khan laga haat pora tai laga documents verification karne jamma korise. Pakistan pora moi khan bhal khobor pabo koikena phabana kori thakise hoilebi Pulwama laga mamla bicchete moi khan mon jinta ase. Manu khan pora Pakistan ke kali koriya aro larai koribole hala koriya dekhikena, moi khan toh khali government ke pratna korikena request kori ase ki tai khan(maas thuriya manu khan) ke suraksha koribole.”
Add Comment