By: Entertainment Desk Mumbai | March 12, 2023 18:44 IST: Avademy award ake te team RRR team nemete special tin thakishe. Director SS Rajamouli, actors Ram Charan, Jr NTR, singers Rahul Sipligunj, Kaala Bhairava aro choreographer Prem Rakshith khan nemete bishi busy tin thakishe, kentu tai khan dancing, singing, practicing, aro fans khan logote greet kuri kena aro team dinner thakishe.
Rajamouli, MM Keeravani aro Ram Charan khan oscar ake te US buncha biche, India te thakia fans khan toh Junior NTR toh events khan sob te nathaka nemete, ki hoishey na koi thakishe. Hollywood Critics Association Award te Tarak toh nathaka nemete fan khan mon shanti thakia nai. Fan khan pora Telegu star toh events khan te nathaka nemete, kiley tai ahia nai?, tai khan pora hutishe, etu nemete, HCA pora statement olaishe, kentu etu statement te koa toh, NTR toh tai laka next film nemete Busy thakia nemete, tai events khan te absent hoa laka ase koishe, aro tai alak award toh teri nahoikena babole ase koishe.
Etia toh hoile, Jr NTR toh US bunshi kena , tai laka team khan logote, film toh promote kuri ase. US bunchia biche te actor pora hoile, Baverly hill, california te noksa kitchi kena noksa toh social media te share kurishe. tai pora share kura noksa te tikhia te, actor toh, t-shirt te tiger noksa print kurikena thakia toh lakai kena ase. Etu sign pora hoile fans khan US te tai laka absence te mon jinta hoi thakia khan nemete mon shanti kuridibo, kentu RRR team toh tai khan joa sob jaka te Red carpet reception bai ase.
Etia tak toh Jr NTR toh tai laka next film NTR 30 te kam kura pora busy thakishe, aro etu film toh Bharat Ane Nenu fame laka Kortala Siva pora direct kuribo. Etu film te Janhvi Kapoor bi debut kuribole ase Telegu te. Etu film laka plot toh tai khan pora koa nai, hoilebi, etu film toh Action drama hobo nishena ase. Aro Khobor te huna hesab te Jr NTR toh, NTR 31 nemete, Pranshanth Neel logote team up kuribo nishena hunishe, hoilebi, etu kotha obor te official confirmation toh tia nai.
Add Comment