Jr women’s Hockey World Cup: Goalkeeper Kharibam para Geramny khan rukhaina India khe  last eight luijabo dishe.

Dui minute bitor teh Germany Under 21 team khan  gaol dhalibo kurishe, aro sob milaina 22 shots dhaliboleh koshish kurishe Indian goal teh dhaliboleh.

Alak din thakileh Germany khan jetiboleh thakishe, hoilehbi etu Sunday din teh para nai, aro etu India laka goalkeeper, Bichu Devi Kharibam karneh ase.

21 saal khelari dostah opor rukhaishe, aro defence bi bhal thakeh karneh European heavyweights khan tai khan laka aatah penalty corners gusabo pareh nai.

Kharibam bishe bhal kheleh karneh India khan 2-1 teh jetibo parishe Under-21 World Cup Potchefstroom teh aro quarterfinals teh jaboleh parishe. India khan top Pool D teh ase tai khan Saturday din teh Wales khe harainah. Aro tai khan etia Malaysia lokot khelibo final group-stage teh Tuesday din teh aro  South Korea lokot last eight teh khelibo.

India team khe Eric Wonink coach kureh ase, tai khan Germany khe  kapai dishe kara khelina shuru kurina dui minute bitor teh penalty corner paishe.  Drag flicker Deepika bhal strike dishe, hoilehbi etu German goalkeeper Mali Wichmann rukhabo parishe hoilehbi bhal khelari Lalremsiami rebound uthinah jaka paishe score kuriboleh.

Germany khan pressure bishe dinah thaka 22^nd minute teh penalty stoke painah marishe hoilehbi Kharibam bhal para rukhai dishe, aro Mumtaz khan India khan lead kuri thaka duitah score kuribo dishe penalty corner para.

Etu goal piche match toh India laka goalkeeper aro Germany laka attackers khan laka nishena huishe.

Germany khan Kharibam score kuriboleh bishe rukhai dinah thaka karneh jusa thakishe, etu karneh India laka bhal khelari naam dinah ase. Tai Manipur para ahishe aro rank teh uthina  jai ase, aro bhal performance bi dishe 2018 Youth Olympics Argentina teh aro India khan silver medal jetibo parishe. Etu saal piche tai khe best goalkeeper naam paishe four-nation junior invitational tournament Dublin teh.