Real Madrid laga midfielder Jude Bellingham para koisey ki Saturday te Osasuna club laga against te khela homoitey taikey kotha namana nohoilebi behes kora nimitey red card pa tu ekta misunderstanding thakisey aro tai para referee ke insult koranai. Etu England laga footballer ke El Sadar te Madrid laga 1-1 draw hoikina 39 minute huwa picheyte game para olaidisey, jitya tai para referee Jose Munuera Montero logotey muk laga-lagi kurisey. Etu picheyte Jose Munuera Montero para para taikey red card disey. Bellingham para koisey ki tai tu etu referee ke insult kora nohoikina eney nijor ke tailaga gusa jatai thakisey. Etu 21 years laga player(Jude Bellingham) para enaka koisey, “Ami hisap te apni video te clear para dikhibo parey, ami etu ghotna bisi bhal para yaad asey, ami tu nijor ke koi thakisey.”
Tai para enaka koisey, “ Ami refree ke iljam laga nohoi, hoilebi obviously tatey ekta misunderstanding(galat fremi) thakisey. Taikey enaka lagisey ki ami para taikey kiba isult kora laga kotha koisey…
“Taikey insult kuribole laga eku erada thakanai, tatey eku insult thakanai aro etu nimiteyapni dikhi asey ki tatey ekta misunderstanding thakisey.”
Real Madrid para jaija olop hapta te Spain te refree kora tu bisi criticise kurikina, Spanish football federation ke Bellingham ke redcard diya tu poila para fix kurikina thaka laga asey koisey.
Bellingham para koisey ki tai para akha kuri asey ki tai dangor suspension para bachibole nimitey tai para ki koisey etu laga video evidence ke modod nimitey cholabole paribo.
Add Comment