Bomdila, February 16, 2025: Saturday din te bia khobor paishe koishe, Yete West Kameng District laga Tenga Bazzar te, Jui para 47 ghor aru 15 dukan nishina julai dishe koishe.
Etu jui toh phuzur 3am te suru hoishe koishe, Sobji bika laga dukan para, Tenga te. Aru yete kinaki suru hoishe najane koishe. Hoilebi yete report paishe ki, kunbi murea nai koishe. Yete Rupa PS OC Bharat Rai para janai dishe ki, yete kunba ghor khan bi olop jokhum hoishe koishe.
Locals khan para koishe ki, yete Police, Army aru Border Rasta Organisation khan mili kina tarika kurishe koishe, yete Jui ke mutabole. Aru yete taikhan jui toh aru najulibole rukhai dishe koishe. Yete Army aru BRO laga Fire Brigades khan bi ahishe koishe.
YeteIndian Army khan para, ghor julea laga malik khan ke treatment aru kha laga saman khan bi dishe koishe.
Tenga laga Upper Primary School te relief camp bi dalishe koishe, yete Administration khan para yeteghor julea manu khan sob ke, Rs 5,000 dibole ase koishe.
Add Comment