Andhra Pradesh, 4 April 2025: Ekta chutu jui juli shey Friday din morning te battery storage jaka te second block te Andhra Pradesh secretariat laka Velagapudi te. Etu nimite fire aro security personnel khan jaldi kam kura shuru hoishey. Officials khan pra confirmed kuri shey eku casualties report nai aro jui toh control te ani dishey 20 min bitor te. Jui toh 6:30am nishina te olai shey Uninterruptible Power Supply (UPS) room te South Block Number Two te, kun toh several key minister laka offices khan ase. Deputy chief minister Pawan Kalyan laka b ase.
Home minister Anitha, Finance minister Payyavula Keshav, civil supplies Minister Manohar Nadendlam, Tourism minister Kandula Durgesh, Endowments minister Anam Narayana Ramanarayana Reddy aro Municipal minister Narayana taikhan sop same block te kam kuri thake. Hatsa toh jani pai kina, secretariat staff joldi State police force aro fire safety personnel khan ke janai dishey, kun jaldi kam kura shuru hoishey aro jui toh mutai dishey spread aro nuksan nahwa agae te. Official ekta pra koishey, UPS room te batteries khan toh biya hoishey jui te aro jui toh kina shuru hoishey echa b najaneh. Investigation toh jai ase. Taikhan aro noted kuri shey eku b thaki nai nahoileh osor te thaki ani affected room te incident toh hwa time te.
Authorities khan infrastructure aro saman khan ke kiman nuksan hoishey echa tak assess kuri nai. Hoileh b taikhan confirmed kuri shey eku disruption nai ongoing administrative functions opor te. Incident toh hoi kina, fire safety protocols laka review initiate kuri shey improved preparedness ensure kuribo leh aro enika incident toh ahibo leh time te rukha boleh.
Add Comment