July 14 te PM Modi aro Council Of Ministers meeting

New Delhi: Wednesday (July 14) darik te Prime Minister Narendra Modi para tai laga Council of Ministers logot meeting chair korikena kotha koriboli ase janaishe. Etu paar melaikena Prime Minister Narendra Modi para tai laga Council of Ministers logot July 7 darik te Union Cabinet putli kora beche tui(2) paar wala meeting koriboli ase. Union Cabinet expansion kora beche, Prime Minister para tai laga union cabinet aro council of ministers logot Thursday din te be meeting korishe. Thursday din laga meeting te khobor para janaishe ke, Prime Minister para ministers khan logot COVID-19 bemar logot hoshari te larai koriboli janaishe aro koishe ke jowa din te pictures aro videos te manuh khan besi jama korikena masks aro social distancing namanikena pera thika toh saboli koishe. Khobor para aro koishe ke, Prime Minister para manuh khan COVID-19 hoshari neum namana toh “besi beya” ase koikena janaishe.