New Delhi, September 22 : Mahoor actor laga baccha khan para privilege aro challenge(musibat) face kora tu lagatar discuss kora laga ekta topic hoikina ahia sey. Aamir Khan laga chokra, actor Junaid Khan para enaka maney ki judi tai Aamir Khan laga chokra nohoisey koiley, tai tailaga bisi tarif pa historical(etihasik) film ‘Maharaj’ te role napabole thakisey. Etu film para akhirkar taikey ekta career break disey. NDTV Yuva te tai ekta special guest hoikina participate kora homoitey, Junaid Khan para tailaga mushkil homoi laga bari te share kurisey. Jitya Junaid ke tailaga first film pabole ageyte tai bisi rejection jhela laga bari te hudisey, Junaid para koisey, ‘ Ami bhabna kora hisap te, ekta actor hoikina, amikhan bisibhak bisi testing kuri thakey. Kityabar apni kunba role aro kunba napa hoijai. Hoi, ami para Maharaj laga ageyte bi dusra film nimitey audition disiley. Hoilebi utu homoitey pa nai.” Jitya Junaid ke, tai Laal Singh Chaddha nimitey audition disey na nai huda homoitey, Junaid para jawab dikina koisey, ‘Hoi, papa para etu laga bari te already koikina asey toh ami hoi kobo parey.” Tai para koisey ki Aamir Khan para tailaga audition bisi khusi pa laga bawajut bi taikey luwanai kilemaney etu film laga budget tu enaka ekta level te banaisiley kotey ekta nutun actor ke lead role te dhalibole naparey. Aro etu nimitey tai utu film karney select huwanai. Junaid Khan para etu bi koisey ki tai Aamir Khan laga chokra nohoisey koiley, tai Maharaj te bi role napabole thaka asey. Maharaj ke Sidharth P Malhotra para direct kurisey aro Yash Raj Films (YRF) Entertainment para produce kurisey. Junaid Khan tu next ekta film nimitey Khushi Kapoor logotey kaam kuribole asey. Etu film ke Advait Chandan para direct kuribole asey, kun para Aamir Khan laga Laal Singh Chaddha aro Secret Superstar film direct kurisiley.
Junaid Khan para taikey Laal Singh Chaddha te kinimitey luwanai etu reveal kurisey
Add Comment