Puri: Odisha aro Puri te COVID-19 cases besi othi-thaka nemite Sunday din Lord Jagannath temple authorities para 12th century shrine toh public nemite June 15 darik dak bondh thakiboli junaishe. Sobse nam tangor temple te state pura devotees nemite Odisha government para May 5 darik din te lockdown junai deya te bondh korikena ase. Shree Jagannatha Temple Administration para temple toh June 15 darik dak bondh thakiboli fesla loishe, etu meeting te fesla kora samai SJTA Chief Administrator Dr Krishan Kumar aro Puri Collector Samarth Verma samil korishe. Puri te temple laga administration toh government aro SJTA hokom pithor te ase aro etu te senior IAS officer head ase. Meeting kora samai aro ekta fesla lowa toh hoile samai-samai te standard operating kam toh pitli kori thakibo. Temple laga member khan ke pithor te jaboli mana koribo aro deities laga age-old rituals toh servitors aro temple administration officials khan para sai thakibo, koikena Kumar para aro janaishe. Sunday din Odisha te COVID-19 caseload toh 11,732 manuh logot positive tested thura beche 6,12,224 hoishe aro notun 19 mora melaikena 2,313 ase, koikena health department officials para janaishe.
Etu samai, Chandan Yatra (sandalwood festival) toh Saturday din COVID-19 hoshari neum te soruh hoishe. Rath Yatra chariots bonaboli toh Chandan Yatra din beche thakibo. Chandan Yatra te participants khan sob COVID-19 tests koribo aro carpenters aro dosura chariot bona manuh khan kam kotom nahowa dak isolation te thakibo, koikena aro khobor toh officials para koishe.
